మరోసారి కోహ్లీపై షోయబ్ అక్తర్ ప్రశంసలు..

స్టార్ క్రికెటర్ విరాట్ కోహ్లీపై మ‌రోసారి పాకిస్థాన్ మాజీ ఫాస్ట్ బౌలర్
షోయబ్ అక్తర్ ప్ర శంస‌లు కురిపించాడు. వీలు దొరికినప్పుడల్లా కోహ్లీ గురించి
మాట్లాడుతుంటాడు. తాజాగా మరోసారి కోహ్లీని పొగడ్తలతో ముంచెత్తాడు.ఓ న్యూస్
చానల్ తో షోయబ్ అక్తర్ మాట్లాడుతూ చూడండి.. ప్రపంచంలోనే అత్యుత్తమ బ్యాటర్
సచిన్ టెండూల్కర్ అని నేను నమ్ముతా. కానీ, కెప్టెన్ గా అతడు విఫలమయ్యాడు.
దాంతో కెప్టెన్సీని తానే వదిలేశాడు. కెప్టెన్సీ విషయంలో విరాట్ కోహ్లీకి ఇలానే
జరిగింది. ఎప్పుడైతే కెప్టెన్సీ భారం నుంచి ఫ్రీ అయ్యాడో.. అప్పుడే కోహ్లీ
ఫామ్ లోకి వచ్చేశాడు అని వివరించాడు. గత టీ20 ప్రపంచకప్ లో విరాట్ ప్రదర్శన
చూస్తే ఫామ్ లోకి వచ్చాడన్న విషయం అర్థమైపోతుందని చెప్పాడు. కోహ్లీ ఫామ్ లోకి
రావడానికి దేవుడే ఆ టోర్నమెంట్ జరిగేలా చేశాడేమో అంటూ వ్యాఖ్యానించాడు.
ఒక్కసారి విరాట్ రికార్డులు గమనించండి. అతడు సాధించిన సెంచరీల్లో దాదాపు 40కి
పైగా చేజింగ్ సమయంలోనే చేశాడు. ఒకానొక సమయంలో విరాట్ సెంచరీలతోనే భారత జట్టు
విజయం సాధించేదిఅని షోయబ్ అక్తర్ తెలిపాడు. విరాట్ కోహ్లీని ఎందుకు ఎక్కువగా
పొగుడుతుంటావు అని చాలా మంది నన్ను అడుగుతుంటారు. దానికి ఎందుకు
మెచ్చుకోకూడదని నేను తిరిగి ప్రశ్నిస్తాన‌న్నాడు.