ఆర్థిక సంక్షోభంతో అల్లాడుతున్న పాకిస్థాన్ క్లిష్ట పరిస్థితుల నుంచి బయటపడేందుకు శతవిధాల ప్రయత్నిస్తోంది. ఇప్పటికే మంత్రుల విదేశీ ప్రయాణాలు, లగ్జరీ కార్ల కొనుగోలుపై ఆంక్షలు విధించిన పాక్ ప్రభుత్వం.. ఇప్పుడు సామాన్యులపై పెను భారాన్ని మోపింది. ఆహార కొరత, విద్యుత్ సంక్షోభంతో ఇప్పటికే సతమతమవుతున్న ప్రజలకు, పెట్రో ధరతో షాక్ ఇచ్చింది. కనీవినీ ఎరుగని రీతిలో ఇంధన ధరలు పెంచి ప్రజల నడ్డివిరిచింది.
