శ్రీ కాళహస్తీశ్వర స్వామి కి బెజవాడ కనకదుర్గమ్మ ఆలయం తరపున పట్టువస్త్రాలు సమర్పణ

విజయవాడ : శ్రీ దుర్గామల్లేశ్వర స్వామివార్ల దేవస్థానం, మహాశివరాత్రి
ఉత్సవములు-2023 సందర్భముగా శ్రీ జ్ఞాన ప్రసూనాంబిక దేవి సమేత శ్రీ
కాళహస్తీశ్వర స్వామివార్ల దేవస్థానం, శ్రీకాళహస్తి లోని శ్రీ ప్రసూనాంబిక దేవి
సమేత శ్రీ కాళహస్తీశ్వర స్వామివార్లకు శ్రీ దుర్గామల్లేశ్వర స్వామివార్ల
దేవస్థానం,ఇంద్రకీలాద్రి తరుపున పట్టువస్త్రములు సోమవారం సమర్పించారు. ఆలయ
పాలకమండలి చైర్మన్ కర్నాటి రాంబాబు , ఆలయ కార్యనిర్వహణాధికారి దర్భముళ్ల
భ్రమరాంబ , పాలకమండలి సభ్యులు మరియు అర్చక బృందం శ్రీకాళహస్తి దేవస్థానం
చేరుకోగా ఆలయ కార్యనిర్వహణాధికారి సాగర్ బాబు (శ్రీకాళహస్తి) ఆలయ మర్యాదలతో
మంగలవాయిద్యములతో స్వాగతం పలికారు. అనంతరం ఆలయ శ్రీ అమ్మవారు స్వామివార్లను
దర్శనము చేసుకొని పట్టు వస్త్రాలు సమర్పించారు. శ్రీ కాళహస్తీశ్వర స్వామి వారి
దేవస్థానం వేదపండితులు వీరికి వేద ఆశీర్వచనము చేయగా,
కార్యనిర్వహణాధికారి(శ్రీకాళహస్తి) (శ్రీ దుర్గామల్లేశ్వర స్వామివార్ల
దేవస్థానం) వీరికి స్వామివార్ల శేషవస్త్రములు మరియు ప్రసాదములు అందజేశారు. ఈ
కార్యక్రమములో పాలకమండలి సభ్యులు కట్టా సత్తయ్య, నoబూరి రవి, చింతా సింహాచలం,
కోలుకులూరి రామసీత, దేవిశెట్టి బాలకృష్ణ గార్లు, ఆలయ ఆలయ వైదిక సిబ్బంది ఆర్.
శ్రీనివాస శాస్త్రి , కార్యనిర్వాహక ఇంజినీర్ లింగం రమాదేవి , వేదపండితులు,
అర్చకులు, దేవస్థాన సిబ్బంది పాల్గొన్నారు.