సర్వభూపాల వాహ‌నంపై శ్రీదేవి భూదేవి సమేత శ్రీ మలయప్ప కటాక్షం

తిరుమల : తిరుమలలో శనివారం ‘రథసప్తమి’ ఉత్సవం సందర్భంగా ఆరో వాహనమైన సర్వభూపాల
వాహనసేవ ఘనంగా జరిగింది. సర్వభూపాల వాహ‌నం య‌శోప్రాప్తి (సాయంత్రం 6 నుండి 7
గంటల వరకు) సర్వభూపాల అంటే అందరు రాజులు అని అర్థం. వీరిలో దిక్పాలకులు కూడా
చేరతారు. తూర్పుదిక్కుకు ఇంద్రుడు, ఆగ్నేయానికి అగ్ని, దక్షిణానికి యముడు,
నైరుతికి నిరృతి, పశ్చిమానికి వరుణుడు, వాయువ్యానికి వాయువు, ఉత్తరానికి
కుబేరుడు, ఈశాన్యానికి పరమేశ్వరుడు అష్టదిక్పాలకులుగా విరాజిల్లుతున్నారు.
వీరందరూ స్వామివారిని తమ భుజస్కంధాలపై, హృదయంలో ఉంచుకుని సేవిస్తారు. తద్వారా
వారి పాలనలో ప్రజలు ధన్యులవుతారు అనే సందేశాన్ని ఈ వాహనసేవ నుంచి
గ్రహించవచ్చు. టిటిడి బోర్డు సభ్యులు పోకల అశోక్ కుమార్, మొరంశెట్టి రాములు,
మారుతి ప్రసాద్, మధుసూదన్ యాదవ్, జెఈఓలు సదా భార్గవి, వీరబ్రహ్మం, సివిఎస్వో
నరసింహ కిషోర్, ఎఫ్ఏసిఏఓ బాలాజి, చీఫ్ ఇంజినీర్ నాగేశ్వరరావు, ఆలయ డెప్యూటీ
ఈఓ రమేష్ బాబు ఇత‌ర టిటిడి అధికారులు ఈ వాహ‌న సేవ‌లో పాల్గొన్నారు.