తిరుమల : సూర్య జయంతి సందర్భంగా జనవరి 28వ తేదీన తిరుమల శ్రీ‌వారి
ఆలయంలో రథసప్తమి పర్వదినం జరుగనుంది. ఈ సందర్భంగా ఏడు వాహనాలపై స్వామివారు
ఆలయ మాడ వీధుల్లో విహరించి భక్తులకు దర్శనమిస్తారు.
వాహనసేవల వివరాలు : ఉదయం 5.30 నుంచి 8 గంటల వరకు(సూర్యోద‌యం ఉదయం 6.45
గంట‌ల‌కు) – సూర్యప్రభ వాహనం. ఉదయం 9 నుంచి 10 గంటల వరకు చిన్నశేష వాహనం. ఉదయం
11 నుంచి 12 గంటల వరకు గరుడ వాహనం. మధ్యాహ్నం 1 నుంచి 2 గంటల వరకు హనుమంత
వాహనం. మధ్యాహ్నం 2 నుంచి 3 గంటల వరకు చక్రస్నానం. సాయంత్రం 4 నుంచి 5 గంటల
వరకు కల్పవృక్ష వాహనం. సాయంత్రం 6 నుంచి 7 గంటల వరకు సర్వభూపాల వాహనం. రాత్రి
8 నుంచి 9 గంటల వరకు
చంద్రప్రభ వాహనం ఉంటాయి.
ఆర్జిత సేవలు రద్దు : ఈ పర్వదినం కారణంగా ఆలయంలో నిర్వహించే కల్యాణోత్సవం,
ఊంజల్ సేవ, ఆర్జిత బ్రహ్మోత్సవం, సహస్ర దీపాలంకార సేవలను టిటిడి రద్దు చేసింది.
