సాంప్రదాయ సంద్రంతోసాంస్కృతిక కళా సోయగం

చిత్తూరు : రాష్ట్ర పర్యాటక శాఖ మంత్రి ఆర్.కె.రోజా “రోజా చారిటబుల్ ట్రస్ట్”
నేతృత్వంలో సంక్రాంతి, కొండచుట్టు ఉత్సవం సందర్బంగా నగరి ప్రభుత్వ డిగ్రీ
కళాశాల క్రీడా మైదానం లో మంగళవారం నిర్వహించిన ముగ్గుల పోటీలకు మహిళల నుంచి
అపూర్వ స్పందన లభించింది. తెలుగు వారి సాంప్రదాయంగా, అలంకరించిన ఎద్దుల బండిలో
మంత్రి రోజా ప్రముఖ సినీ నటులు, రాష్ట్ర ఎలక్ట్రానిక్ మీడియా అడ్వైజర్ ఆలీతో
సభా వేదిక వద్దకు వచ్చారు. నగరి నియోజకవర్గం లోని మహిళలు వేసిన కనుల విందైన
రంగురంగుల రంగవల్లులను మంత్రి సందర్శించారు. ప్రభుత్వ డిగ్రీ కళాశాల క్రీడా
మైదానం నిండుగా చెరుకు గడల అలంకరణలతో, సాంప్రదాయ దుస్తులతో, గంగిరెద్దుల
సవ్వడితో, కోడి పందేల జోరుతో పండుగ జోష్ ని పెంచారు.రాష్ట్ర మంత్రి రోజా
స్వయంగా మహిళలకు మట్టి గాజులు వేసి, మెహందీ పెట్టి పండుగ వాతావరణాన్ని మరింత
శోభాయమానం చేశారు.

సంక్రాంతి సందర్బంగా పొంగళ్ళు పెట్టారు. అనంతరం చిలకజోష్యం స్టాల్ ను
సందర్శించారు. చిన్నారుల కోలాటాలు, భరత నాట్య ప్రదర్శనలు, హారికథా ప్రదర్శన
అహుతులను ఆకట్టుకుంది. మంత్రి తన అత్త షణ్బగం పుట్టినరోజును పురస్కరించుకొని
సభా వేదిక పై కేక్ కట్ చేసి శుభాకాంక్షలు తెలిపారు. ఆద్యంతం ఛలోక్తులతో
మాట్లాడిన ఎలక్ట్రానిక్ మీడియా అడ్వైజర్, ప్రముఖ నటులు ఆలీ చిన్నతనంలో తనకు
వచ్చిన మొదటి బహుమతి లైఫ్ బాయ్ సోప్ గురించి చెప్పడం విశేషం. ఈ సందర్బంగా
మంత్రి ఆర్.కే.రోజా మాట్లాడుతూ ముఖ్యమంత్రి జగన్ మోహన్ రెడ్డి ప్రజలకు ఏమి
కావాలి అనేది ఇస్తున్నారని అన్నారు. నగరి కొండచుట్టూ మహోత్సవం లో 21మంది
దేవుళ్ళు చక్కని అలంకరణలతో ఆశీర్వదిస్తారని తెలిపారు. 2004 వ సంవత్సరం నుంచి
కొండ చుట్టూ ఉత్సవానికి హాజరవుతున్నానని, ప్రస్తుతం పర్యటక శాఖ మంత్రి గా
హాజరువుతున్నానని ఆనందంగా చెప్పారు. భవాని ఐలాండ్ లో జనవరి 11నుంచి 16 వ తేదీ
వరకు ఆరు రోజుల పాటు గ్రామీణ వాతావరణం ను సృష్టించగా ప్రజలు తమ కుటుంబాలతో
ఎంజాయ్ చేశారని చెప్పారు.

ఈ కార్యక్రమంలో స్విమ్స్ డైరెక్టర్ వెంగమ్మ, తుడా సెక్రటరీ
శ్రీలక్ష్మి, నగరి, పుత్తూరు మునిసిపల్, నగరి రూరల్, పుత్తూరు రూరల్, వడమల
పేట, నిండ్ర, విజయపురం మండల ప్రజా ప్రతినిధులు,మునిసిపల్ కమీషనర్, వివిధ
కమిటీల చైర్మన్లు, రాష్ట్ర డైరెక్టర్లు, వైస్సార్సీపీ నాయకులు, కార్యకర్తలు
పాల్గొన్నారు.