వర్షా కాలంలో జ్వరంతో బాధపడుతున్నారా..? అయితే ఈ చిట్కాలు పాటించండి..

వాతావరణ మార్పుల వల్ల వర్షా కాలంలో చాలా మంది తరచూ జ్వరంతో బాధపడుతుంటారు.
ఇలాంటి వారు కొన్ని సింపుల్ చిట్కాలు పాటించడం ద్వారా జ్వరాన్ని సులువుగా
తగ్గించుకోవచ్చు. అవేంటో చూద్దాం..

ధనియాలు:

మొక్కల ఆధారిత ఫైటో న్యూట్రియంట్స్ ధనియాల్లో ఎక్కువగా ఉంటాయి. అలాగే ఇందులో
జ్వరాన్ని తగ్గించే గుణాలు పుష్కలంగా ఉంటాయి.

తిప్పతీగ:

ఆయుర్వేదంలో తిప్పతీగను ఔషధంగా వినియోగిస్తారు. ఇది రోగనిరోధక శక్తిని పెంచి
జ్వరం, జలుబు వంటివి తరచూ రాకుండా కాపాడుతుంది.

తులసి టీ:

తులసిలో యూజినాల్, సిట్రోనెల్లాల్, లినోలూల్ అనే యాంటీ బ్యాక్టీరియల్
సమ్మేళనాలు ఎక్కువగా ఉంటాయి. అందువల్ల జ్వరం ఉన్నపుడు తులసి టీ తాగితే ఉపశమనం
కలుగుతుంది.

వెల్లుల్లి:

వెల్లుల్లిలో యాంటీ బ్యాక్టీరియల్ గుణాలు మెండుగా ఉంటాయి. ఇవి జ్వరం, జలుబు
వంటి అనారోగ్య సమస్యల నుంచి వేగంగా ఉపశమనం కలిగిస్తాయి.

ఉసిరి:

ఉసిరిలో రోగనిరోధక శక్తిని రెట్టింపు చేసే విటమిన్ సి అధికంగా ఉంటుంది. జ్వరం
ఉన్న సమయంలో రోజూ ఉసిరి రసం తాగడం వల్ల మంచి ఫలితం ఉంటుంది.

అల్లం టీ:

అల్లంలో యాంటీ ఇంఫ్లమేటరీ, యాంటీ ఆక్సిడెంట్ గుణాలు పుష్కలంగా ఉంటాయి.
ప్రతిరోజూ అల్లం తాగడం వల్ల దగ్గు, జ్వరం, జలుబు రాకుండా ఉంటాయి. ఇందులో
చక్కెరకు బదులు తేనె ఉపయోగించడం మంచిది.

యాపిల్ సిడార్ వెనిగర్:

జ్వరానికి మరొక అద్భుతమైన సహజ చికిత్స యాపిల్ సిడార్ వెనిగర్. ఇది బరువు
తగ్గించడంలోనే కాదు జ్వరాన్ని తగ్గించడంలోనూ సహాయపడుతుంది.

నీరు:

జ్వరం ఉన్న సమయంలో శరీర ఉష్ణోగ్రతను తగ్గించడానికి ఎక్కువగా నీటిని తాగాలి.
ఇది శరీరాన్ని హైడ్రేట్ గా ఉంచుతుంది. చెమట వల్ల కోల్పోయిన లవణాల్ని భర్తీ
చేస్తుంది.