రొమాంటిక్ లుక్ లో రామ్.. శ్రీ లీల..

రామ్ పోతినేని, శ్రీ లీల జంటగా నటించిన పాన్ ఇండియా చిత్రం “స్కంద”. ఈ
చిత్రానికి ప్రముఖ దర్శకుడు బోయపాటి శ్రీను దర్శకత్వం వహిస్తున్న సంగతి
తెలిసిందే. శ్రీనివాసా సిల్వర్ స్క్రీన్ పతాకంపై శ్రీనివాస చిట్టూరి
నిర్మిస్తున్నారు. ఇటీవలే చిత్రీకరణ పూర్తి చేసుకున్న ఈ సినిమా ప్రస్తుతం
నిర్మాణానంతర పనుల్లో ఉంది. తమన్ నేపథ్య సంగీత పనులని ప్రారంభించారని సమాచారం.
మరోవైపు డబ్బింగ్ పనులతో పాటు సినిమా ప్రమోషన్స్ ను పరుగులు
పెట్టిస్తున్నట్లు చిత్ర వర్గాలు తెలిపాయి. ఈ క్రమంలోనే శనివారం ఈ చిత్రం
నుంచి కొత్త పోస్టర్ లను విడుదల చేశారు. వాటిలో ఒకదాంట్లో రామ్ యాక్షన్ లుక్
లో కనిపించగా.. మరొక దాంట్లో శ్రీలీలతో కలిసి రొమాంటిక్ గా కనిపించారు.
ఇప్పటికే ఆయన డబ్బింగ్ పనులు పూర్తి చేసినట్లు తెలిసింది. నెలాఖరున ట్రైలర్ ను
విడుదల చేసేందుకు సన్నాహాలు చేస్తున్నట్లు ప్రచారం జరుగుతోంది. “మాస్ యాక్షన్
ఎంటర్టైనర్ గా రూపొందుతున్న ఈ సినిమాలో రామ్ రెండు కోణాల్లో కనిపించనున్నారు.
మునుపెన్నడూ చూడని మాస్ గెటప్స్ లో సందడి చేయనున్నారు’ అని చిత్రబృందం
తెలిపింది. ఈ సినిమా సెప్టెంబరు 15న తెలుగు, హిందీ, తమిళ, కన్నడ, మలయాళ
భాషల్లో విడుదల కానుంది. ఈ చిత్రానికి ఛాయాగ్రహణం: సంతోష్ డిటా కె