టిల్లు స్క్వేర్..ప్రోమో అదిరిపోయిందిగా..!

సిద్ధు జొన్నలగడ్డ ఎన్నో ఏళ్ళుగా ఇండస్ట్రీలో ఉన్నప్పటికీ ఆయనకి ఫేమ్
సంపాదించి పెట్టింది మాత్రం ‘డీజే’టిల్లు’సినిమానే. ఈ సినిమాతో ఆయన
ప్రేక్షకులకు మామూలు కిక్ ఇవ్వలేదు. కేవలం ఒక ట్రైలర్ తో ఆ సినిమాకు క్రేజ్
తీసుకొచ్చాడు. టిల్లు పాత్రకు యూత్ విపరీతంగా కనెక్ట్ అయిపోవడంతో ఆ సినిమా
ఎవ్వరూ ఊహించనంత పెద్ద హిట్ అయింది. టిల్లు పాత్ర రీల్స్, షార్ట్స్ ద్వారా
మరింతగా జనాల్లోకి వెళ్లింది. ఓటీటీలో సినిమా ఇంకా పెద్ద హిట్టయింది. కొన్ని
నెలల పాటు టిల్లు క్యారెక్టర్ మేనియా కొనసాగింది. ఈ సినిమా తర్వాత సిద్ధు
జొన్నలగడ్డకు వేరే ఆఫర్లు వచ్చినా అంగీకరించలేదు. తన ఫోకస్ అంతా ‘డీజే’
టిల్లు’ సీక్వెల్ మీదే పెట్టాడు. చాలా టైం తీసుకుని ‘టిల్లు స్క్వేర్ ‘ ను
పట్టాలెక్కించాడు. మామూలుగానే ఈ సినిమాకు మంచి హైప్ ఉండగా.. తాజాగా రిలీజ్
చేసిన ఫస్ట్ సింగిల్ ప్రోమో చూశాక హైప్ ఇంకా పెరిగిందనడంలో సందేహం లేదు. ఈ
సినిమాకు ఎలాంటి ఆరంభం దక్కాలో అలాంటిదే ఇచ్చింది ప్రోమో. హీరోయిన్ అనుపమ
పరమేశ్వరన్ నన్ను ఇప్పటిదాకా ప్రేక్షకులు చూస్తూ వచ్చిన కోణం వేరు. ఈ సినిమాతో
ఆమెను చూసే కోణం వేరు అన్నట్లుగా ఉంది ప్రోమో చూస్తే. ఆమె ఇంత గ్లామరస్ గా,
ఇంత కవ్వించేలా మరే ఏ సినిమాలోనూ నటించలేదంటే అతిశయోక్తి కాదు. ఫస్ట్ సింగిల్
ప్రోమోలో అలా కనిపించి కుర్రాళ్లకు కిక్కు ఇచ్చింది. ఇక టిల్లు క్యారెక్టర్
గురించి చెప్పలేదు. ‘డీజే టిల్లు’ ఫ్లేవర్, ఎంటర్టైన్మెంట్ ను కొనసాగిస్తూ..
సీక్వెల్లోనూ ప్రేక్షకులు కోరుకునే వినోదం ఉంటుందని సంకేతాలిస్తూ సాగింది. ఈ
పాత్ర, అంత జరిగినా టిల్లుకి బుద్ధి రాలేదంటూ వేరే పాత్రతో చెప్పించడం.. ‘డీజే
టిల్లు’లో ఏం జరిగిందో ప్రేక్షకులు రివైండ్ చేసుకునేలా చేసింది. మొత్తంగా
చిన్న ప్రోమోతో ‘టిల్లు స్క్వేర్’ గురించి అందరూ చర్చించుకునేలా చేయడంలో
సిద్ధు అండ్ టీమ్ విజయవంతం అయింది. సీక్వెల్ కు ఇంతకంటే మంచి ఆరంభం మరొకటి
ఉండదని చెప్పవచ్చు