దర్శకధీరుడు రాజమౌళి తెరకెక్కించిన ఆర్.ఆర్.ఆర్. సినిమా తెలుగువారి సత్తాను ప్రపంచానికి చాటింది. అత్యంత భారీ బడ్జెట్‌తో రామ్ చరణ్, ఎన్టీఆర్ వంటి స్టార్లతో రూపొందిన ఈ చిత్రం తెలుగు సహా పలు భారతీయ భాషల్లో సత్తా చాటింది. అంతటితో ఆగకుండా చైనా, జపాన్, యూఎస్ ప్రేక్షకులను కూడా మెప్పించింది. ఇంతలా విజయాన్ని దక్కించుకున్న సినిమా.. 95వ ఆస్కార్ అవార్డు దక్కించుకోవాలని భారతీయ సినీ ప్రేక్షకులు కోరుకుంటున్నారు. ఈ క్రమంలో బెస్ట్ ఒరిజినల్ సాంగ్ కేటగిరీలో నాటు నాటు సాంగ్ షార్ట్ లిస్ట్ అయింది. అయితే కీరవాణికి ఆస్కార్ అవార్డు వచ్చేందుకు అడుగు దూరంలోనే ఉందనిపిస్తోంది. ఇప్పటికే ట్రిపుల్ ఆర్ న్యూయార్క్ ఫిలిం క్రిటిక్స్, హాలీవుడ్ క్రిటిక్స్ అసోసియేషన్ ఫిలిం అవార్డ్స్‌ గెలుచుకుంది.
ఎస్ఎస్ రాజమౌళి రూపొందించిన మాగ్నమ్ ఓపస్ ఆర్ఆర్ఆర్ మంగళవారం అధికారికంగా 95వ ఆస్కార్ నామినేషన్లలో చేరిన తర్వాత నటులు చిరంజీవి, రామ్ చరణ్, జూనియర్ ఎన్టీఆర్ స్పందించారు. ఈ చిత్రంలోని నాటు నాటు అనే పాట బెస్ట్ ఒరిజినల్ సాంగ్ విభాగంలో ఆస్కార్ రేసులో చేరింది.
ఈ అప్‌డేట్‌పై నటుడు రామ్ చరణ్ స్పందిస్తూ, “ఏమిటి అద్భుతమైన వార్త! నాటు నాటు ఆస్కార్‌కి నామినేట్ కావడం నిజంగా గౌరవం. మాకు, భారతదేశానికి మరో గర్వకారణం” అంటూ రెడ్ రెడ్ హార్ట్ ఎమోజిని జోడించారు.
జూనియర్ ఎన్టీఆర్ తన ట్విటర్ ఖాతాలో నామినేషన్ వేసిన టీమ్ మొత్తానికి శుభాకాంక్షలు తెలిపారు. “మరో మంచి అర్హత, స్మారక ఘనతను సాధించినందుకు అభినందనలు… ఈ పాట ఎప్పటికీ నా హృదయంలో ప్రత్యేక స్థానాన్ని కలిగి ఉంటుంది.” అని అన్నారు.
