కత్రినా కైఫ్ తల్లి కాబోతోందా?

బాలీవుడ్ స్టార్ హీరోయిన్ కత్రినా కైఫ్.. ఇటీవలే హీరో విక్కీ కౌశల్‌ను వివాహం
చేసుకున్న సంగతి తెలిసిందే. కొన్నేళ్ల నుంచి ప్రేమలో ఉన్న ఈ జంట గతేడాది
పెళ్లితో ఒక్కటయ్యారు. ఆ తరువాత ఈ జంట వెకేషన్ కోసం మాల్దీవులకు వెళ్లి
వచ్చిన సంగతి తెలిసిందే. ప్రస్తుతం విక్కీ, కత్రినా తమ తమ సినిమా షూటింగ్ లలో
బిజీగా ఉన్నారు. ఇకపోతే కత్రినా గురించి ఒక వార్త ప్రస్తుతం నెట్టింట వైరల్ గా
మారింది.బాలీవుడ్‌లో కత్రినా కైఫ్ గర్భం దాల్చిందనే వదంతులు బాలీవుడ్‌లో
కొనసాగుతున్నాయి. నూతన సంవత్సరాన్ని శుభారంభంగా ప్రారంభించడానికి టైగర్ 3 నటి
ఇటీవల సిద్ధివినాయక్ ఆలయాన్ని తన భర్త విక్కీ కౌశల్‌తో కలిసి సందర్శించారు.
కత్రినా కైఫ్ తన భర్త, అత్త వీణా కౌశల్‌తో కలిసి వినాయకుడి ఎదుట చేతులు
జోడించి భారతీయ దుస్తుల్లో అందంగా కనిపించింది. దీంతో ఆమె గర్భవతిగా
కనిపిస్తోందని ఆ ఫోటోలను చూసిన అభిమానులు పేర్కొన్నారు. కత్రినా కైఫ్, విక్కీ
కౌశల్ అభిమానుల్లో ఒకరు వారి వైరల్ ఫోటోపై వ్యాఖ్యానిస్తూ, “వారి
ప్రార్థనలన్నింటికీ సమాధానం ఇవ్వాలి’ అని రాశారు. మరొక అభిమాని, ‘ఆమె
గర్భవతిగా కనిపిస్తోంది’ అని పేర్కొన్నారు.