బాబు జగజీవన్ రామ్ ఆశయాలను ముందుకు తీసుకు వెళుతున్న వ్యక్తి జగన్మోహన్ రెడ్డి : వెలంపల్లి
విజయవాడ : స్థానిక ఆంధ్రప్రభ కాలనీ గల ఎన్టీఆర్ జిల్లా వైఎస్ఆర్ కాంగ్రెస్ పార్టీ కార్యాలయం నందు మాజీ ఉప ప్రధాని బాబు జగజీవన్ రావు 116వ జయంతి వేడుకలు ఘనంగా జరిగాయి. ఈ వేడుకలకు మాజీ మంత్రి సెంట్రల్ నియోజకవర్గం వైస్సార్సీపీ అభ్యర్థి ఎన్టీఆర్ జిల్లా వైయస్సార్ కాంగ్రెస్ పార్టీ అధ్యక్షులు వెలంపల్లి శ్రీనివాస్ రావు ముఖ్య అతిథిగా పాల్గొని జగజ్జీవన్ రామ్ చిత్రపటానికి పూలమాలలు వేసి నివాళులర్పించారు. ఈ సందర్భంగా వెలంపల్లి మాట్లాడుతూ భారత దేశానికి వివిధ శాఖలలో సేవలు అందించిన వ్యక్తి బాబు జగ్జీవన్ రామ్ అని కొనియాడారు. బడుగు బలహీనవర్గాల ఆశాజ్యోతి బాబు జగజ్జీవన్ రామ్ అని అన్నారు. నేడు ఆయన బాటలో ఆయన ఆశయాలను ముందుకు తీసుకు వెళ్తున్నా వ్యక్తి జగన్ మోహన్ రెడ్డి అని తెలిపారు. బడుగు బలహీన వర్గాలకు పరిపాలనలో మెండుగా అవకాశాలు కల్పించిన వ్యక్తి జగన్మోహన్ రెడ్డి అని కొనియాడారు. ఈ కార్యక్రమంలో తదితర నాయకులు కార్యకర్తలు పాల్గొన్నారు.
