సెన్సార్ పూర్తి చేసుకున్న ఖుషి..

విజయ్ దేవరకొండ, సమంత జంటగా నటిస్తున్న చిత్రం ‘ఖుషి’ శివ నిర్వాణ దర్శకుడు.
నవీన్ యెర్నేని, వై రవిశంకర్ లు నిర్మించిన ఈ చిత్రం సెప్టెంబర్ 1న ప్రేక్షకుల
ముందుకురానుంది. బుధవారం ఈ చిత్రం సెన్సారును పూర్తిచేసుకుంది. యూఏ
సర్టిఫికెట్ జారీ చేశారు. ఈ సందర్భంగా నిర్మాతలు మాట్లాడుతూ 165 నిమిషాల
నిడివితో గల ‘ఖుషి’ సినిమా మూవీ ప్రేక్షకులను అలరించడానికి సిద్ధంగా వుంది.
ఇది ఒక ఫీల్ గుడ్ ఫ్యామిలీ ఎంటర్టైనర్. ఇటీవల విడుదలైన పాటలు, ట్రైలర్ కు మంచి
స్పందన వస్తోంది. తప్పకుండా అందరి అంచనాలకు తగిన విధంగా ఈ చిత్రం బ్లాక్
బస్టర్ హిట్ అవుతుందనే నమ్మకం వుంది. తెలుగుతో పాటు తమిళ, మలయాళ, కన్నడ, హిందీ
భాషల్లో కూడా చిత్రాన్ని విడుదల చేస్తున్నాం’ అని అన్నారు.