వరల్డ్‌ బుక్‌ ఆఫ్‌ రికార్డ్స్‌లో తులిప్‌ గార్డెన్‌

శ్రీనగర్‌ : జమ్మూ-కశ్మీర్‌లోని శ్రీనగర్‌లో ఉన్న ఇందిరాగాంధీ స్మారక తులిప్‌
గార్డెన్‌ వరల్డ్‌ బుక్‌ ఆఫ్‌ రికార్డ్స్‌లో చోటు దక్కించుకుంది. 68 రకాలకు
చెందిన 1.5 మిలియన్ల తులిప్‌ పుష్పాలతో ఆసియాలో అతిపెద్ద గార్డెన్‌గా ఈ ఘనత
సాధించింది. ఈ మేరకు జరిగిన కార్యక్రమంలో ఫ్లోరికల్చర్‌, గార్డెన్స్‌ అండ్‌
పార్క్స్‌ కమిషనర్‌ సెక్రటరీ షేక్‌ ఫయాజ్‌ అహ్మద్‌కు వరల్డ్‌ బుక్‌ ఆఫ్‌
రికార్డ్స్‌ అధ్యక్షుడు సంతోష్‌ శుక్లా.. గుర్తింపు పత్రాన్ని అందించారు. ఈ
కార్యక్రమంలో వరల్డ్‌ బుక్‌ ఆఫ్‌ రికార్డ్స్‌ ఎడిటర్‌ దిలీప్‌ ఎన్‌ పండిత్‌,
కశ్మీర్‌ అధికారులు పాల్గొన్నారు. ప్రపంచవ్యాప్తంగా చాలా నగరాల్లో తులిప్‌
పుష్పాల ఉద్యానవనాలు ఉన్నాయి. 30 హెక్టార్ల విస్తీర్ణంలో ఉన్న శ్రీనగర్‌లోని
తులిప్‌ గార్డెన్‌ మాత్రం ఆసియా ఖండంలోనే అతిపెద్దది.