వైఎస్సార్‌ రైతు భరోసా నగదు పంపిణీ చేయనున్న సీఎం జగన్‌

గుంటూరు : ముఖ్యమంత్రి వైఎస్‌ జగన్‌మోహన్‌రెడ్డి మంగళవారం గుంటూరు జిల్లాలోని
తెనాలిలో పర్యటించనున్నారు. ఈ సందర్భంగా నాలుగో ఏడాది మూడో విడతలో భాగంగా
వైఎస్సార్‌ రైతు భరోసా-పీఎం కిసాన్‌, ఇటీవల పంటలు నష్టపోయిన రైతులకు ఇన్‌పుట్‌
సబ్సిడీ పంపిణీ చేయనున్నారు.షెడ్యూల్‌ ఇదే : సీఎం జగన్‌ మంగళవారం ఉదయం 9.50 గంటలకు తాడేపల్లి నివాసం నుంచి
బయలుదేరి.. 10.15 గంటలకు తెనాలి చేరుకుంటారు. ఉదయం 10.35 గంటలకు స్ధానిక
వ్యవసాయ మార్కెట్‌ యార్డ్‌ ప్రాంగణంలోని బహిరంగ సభా వేదికకు చేరుకుంటారు.
నాలుగో ఏడాది మూడో విడత వైఎస్సార్‌ రైతు భరోసా – పీఎం కిసాన్, ఇటీవల పంటలు
నష్టపోయిన రైతులకు ఇన్‌పుట్‌ సబ్సిడీ పంపిణీ కార్యక్రమంలో బటన్‌ నొక్కి రైతుల
ఖాతాల్లో జమ చేస్తారు. అనంతరం 12.45 గంటలకు అక్కడి నుంచి బయలుదేరి 1.10 గంటలకు
తాడేపల్లి నివాసానికి చేరుకుంటారు.