లేడీ ధోనీ సూపర్ ఇన్నింగ్స్
టీ20 మహిళల ప్రపంచకప్‌లో భారత్ వరుసగా రెండో విజయాన్ని ఖాతాలో వేసుకుంది.
తాజాగా జరిగిన మ్యాచ్లో వెస్టిండీస్పై 6 వికెట్ల తేడాతో గెలుపొందింది.
మహిళల టి20 ప్రపంచకప్ 2023లో టీమ్ఇండియాకు వరుసగా రెండో విజయం దక్కింది. తొలి
మ్యాచ్లో పాకిస్థాన్పై విజయం సాధించిన భారత్ అమ్మాయిలు రెండో మ్యాచ్లో
వెస్టిండీస్పై సునాయసంగా గెలిచారు. గ్రూప్ బిలో భాగంగా తాజాగా జరిగిన మ్యాచ్లో
భారత్ 6 వికెట్ల తేడాతో వెస్టిండీస్పై ఘన విజయం సాధించింది. 119 పరుగుల
లక్ష్యాన్ని భారత్ 18.1 ఓవర్లలో 6 వికెట్లు కోల్పోయి ఛేదించింది. లేడీ ధోనీ
రిచా ఘోష్ (32 బంతుల్లో 44*; 5×4) మరోసారి మ్యాచ్ విన్నింగ్ ఇన్నింగ్స్ను ఆడి
ఆకట్టుకుంది. కెప్టెన్ హర్మన్ ప్రీత్ కౌర్ (42 బంతుల్లో 33; 3×4 ) రాణించింది.
విండీస్ బౌలర్లలో రామ్ హరాక్ 2 వికెట్లు తీసింది.
కాగా ఛేదనలో టీమ్ఇండియాకు ఆదిలోనే ఎదురుదెబ్బ తగిలింది. గాయం నుంచి
కోలుకున్నాక ఆడిన స్మృతి మంధాన(10) నిరాశ పరిచింది. రెండో ఫోర్లు బాది
స్టంపౌట్ అయ్యింది. అనంతరం తొలి మ్యాచ్లో పాకిస్థాన్పై అర్ధ సెంచరీతో
అదరగొట్టిన జెమీమా రోడ్రిగ్స్(1) విఫలమైంది. ఆ తర్వాత క్రీజులోకి వచ్చిన
షెఫాలీ వర్మ (28) కూడా పెవిలియన్ చేరింది. దీంతో భారత్ కష్టాల్లో పడింది. ఈ
దశలో జతకలిసిన హర్మన్ ప్రీత్ కౌర్, రిచా ఘోష్ను మంచిగా ఆడుతూ జట్టును లక్ష్యం
వైపు నడిపించారు. స్కోరు బోర్డు పరుగులెత్తించారు. వీరిద్దరూ కలిసి నాలుగో
వికెట్కు 72 పరుగులు జోడించారు. ఈ క్రమంలోనే విన్నింగ్ షాట్ కొట్టే ప్రయత్నంలో
హర్మన్ ప్రీత్ కౌర్ ఔటైంది. అయితే రిచా ఘోష్ ఫోర్తో మ్యాచ్ ను ముగించింది.
అంతకు ముందు తొలుత బ్యాటింగ్ చేసిన వెస్టిండీస్ 20 ఓవర్లలో 6 వికెట్లకు 118
పరుగులు చేసింది. విండీస్ ప్లేయర్లలో టేలర్ (40 బంతుల్లో 42; 6×4) టాప్
స్కోరర్గా నిలిచింది. క్యాంబెల్ (36 బంతుల్లో 30; 3×4) పర్వాలేదనిపించింది.
ఆఖర్లో నేషన్ (21*) పరుగులు చేయడంతో విండీస్ 100 పరుగుల మార్కును దాటింది.
భారత బౌలర్లలో దీప్తి శర్మ 3 వికెట్లు తీసింది.
దీప్తి సెంచరీ : ఇక ఈ మ్యాచ్ లో దీప్తి శర్మ మూడు వికెట్లు తీయడంతో ఓ ఘనత
సాధించింది. అంతర్జాతీయ టీ20ల్లో 100 వికెట్లు తీసిన తొలి భారత బౌలర్గా
నిలిచింది. పూనమ్ యాదవ్ 99 వికెట్లతో ఉండగా ఆమెను దీప్తి అధిగమించింది.
