బాలీవుడ్ బాద్ షా నటించిన పఠాన్ కలెక్షన్స్ బాక్సాఫీస్ వద్ద రికార్డుల జోరును
కొనసాగిస్తోంది. ఈ చిత్రం ఇప్పటి వరకు రూ. 780 కోట్ల కలెక్షన్లు సాధించింది.
11వ రోజు కలెక్షన్లు ఇలా ఉన్నాయి.
బాలీవుడ్ బాద్షా షారుక్ ఖాన్ నటించిన ‘పఠాన్’ భారీ కలెక్షన్లతో బాక్సాఫీస్ను
షేక్ చేస్తోంది. విడుదలై 11 రోజులైనా ప్రేక్షకుల్లో మూవీ క్రేజ్ తగ్గట్లేదు.
పాన్ ఇండియా చిత్రంగా విడుదలైన ఈ సినిమా ప్రపంచ వ్యాప్తంగా రూ.780 కోట్ల
గ్రాస్ కలెక్షన్లను రాబట్టింది. ఈ మేరకు యష్రాజ్ ఫిల్మ్స్ సోషల్ మీడియా
వేదికగా ప్రకటించింది. ఇక, హిందీలో అత్యంత వేగంగా రూ.400 కోట్ల ఎన్బీఓసీ(నెట్
బాక్సాఫీస్ కలెక్షన్స్) కలెక్షన్ల మార్కును దాటిన చిత్రంగా ‘పఠాన్’ నిలిచిందని
ట్రేడ్ పండితులు చెబుతున్నారు. ఆ తర్వాతి స్థానాల్ బాహుబలి(15 రోజుల్లో),
కేజీఎఫ్(23 రోజుల్లో) ఉన్నాయి. ఇప్పటి వరకు ఈ చిత్రం దేశంలో రూ.481 కోట్ల
గ్రాస్ వసూలు చేయగా ఓవర్సీస్ మార్కెట్లో రూ.299 కోట్ల కలెక్షన్లను రాబట్టిందని
సినీ వర్గాల సమాచారం. కాగా, ఈ చిత్రంలో షారుఖ్కు జంటగా బాలీవుడ్ బ్యూటీ దీపికా
పదుకొణె నటించింది. జాన్ అబ్రహం కీలక పాత్ర పోషించారు. గెస్ట్ రోల్లో బాలీవుడ్
బిగ్బాస్ సల్మాన్ ఖాన్ ప్రేక్షకుల ముందుకు వచ్చారు. ఈ చిత్రాన్ని యశ్ రాజ్
ఫిల్మ్స్ బ్యానర్పై ఆదిత్య చోప్రా నిర్మించారు. విశాల్ శేఖర్ సంగీతాన్ని
సమకూర్చారు.
