విద్యార్థులకు నూతన నైపుణ్యాలను పరిచయం చేయాలి

గుంటూరు : ఆచార్య నాగార్జున విశ్వవిద్యాలయంలో పూర్వ విద్యార్థుల ఎగ్జిక్యూటివ్
కమిటీ సమావేశము జరిగింది. దీనికి విశ్వవిద్యాలయ ఉపకులపతి ఆచార్య రాజశేఖర్
పట్టేటి అధ్యక్షత వహించారు. ఈ సమావేశంలో ఎయిర్ వైస్ మార్షల్ జె రాజేంద్ర,
కిరణ్ ఆన్ లైన్ లో సమావేశమయ్యారు. ప్రొఫెసర్ వైఎస్ కిరణ్మయి, డాక్టర్
అంబేద్కర్ ఓపెన్ యూనివర్సిటీ హైదరాబాద్, డాక్టర్ సయ్యద్ వలి ఇండస్ట్రియల్స్ట్
, యూనివర్సిటీ ఎగ్జిక్యూటివ్ కౌన్సిల్ మెంబర్, రిజిస్ట్రార్ ప్రొఫెసర్ కరుణ
, ప్రొఫెసర్ సరస్వతీ రాజు, ప్రొఫెసర్ గంగాధర్ రావు, ప్రొఫెసర్ నాగరాజు,
డాక్టర్ పద్మావతి ఈ సమావేసాయానికి హాజరయ్యారు. విశ్వవిద్యాలయ పూర్వ
విద్యార్థుల సంఘ సంచాలకులు డాక్టర్ జి వి ఎస్ ఆర్ ఆంజనేయులు ఈ సమావేశాన్ని
సమన్వయ పరిచారు. పూర్వ విద్యార్థుల సంఘం తరఫున తీసుకున్న కొన్ని కార్యక్రమాలను
సమావేశంలో తెలియజేశారు.

డిస్టెన్స్ ఎడ్యుకేషన్ ద్వారా కోర్సులు చేయదలచిన పూర్వ విద్యార్థులకు ఫీజులు
రాయితీ ఇవ్వన్నారని విశ్వవిద్యాలయ లైబ్రరీ ద్వారా ఇన్ ఫిలిబినెట్ సౌకర్యాన్ని
అందజేయటానికి కూడా యూనివర్సిటీ సన్నద్ధతను తెలియజేశారు తమ తమ ప్రస్తుత ఉద్యోగ
అభివృద్ధికి తోడ్పడే ఒక సాఫ్ట్వేర్ను రూపొందించినట్టు త్వరలో ఆ సాఫ్ట్వేర్ తో
ప్రస్తుతం వివిధ రంగాలలో ఉద్యోగం చేస్తున్న వారికి వారి ఉద్యోగ అభివృద్ధికి
తోడపడటానికి అవకాశాలను ఈ సాఫ్ట్వేర్ లో పొందుపరుస్తున్నట్లు, ఆయన తెలియజేశారు.
పూర్వ విద్యార్థుల సహాయ సహకారులతో ప్రస్తుత విద్యార్థులకు- విశ్వవిద్యాలయం
తరఫున పూర్వ విద్యార్థులకు సహాయ సహకారాలు అందించుకోవడానికి పూర్వ విద్యార్థుల
సంఘం ఒక వేదికగా ఉంటుందని ఆంజనేయులు తెలియచేశారు. పూర్వ విద్యార్థుల సేవలను
సద్వినియోగం చేసుకోవాలని మెషిన్ లెర్నింగ్ ఆర్టిఫిషియల్ ఇంటెలిజెన్స్ డ్రోన్
టెక్నాలజీల వంటి అత్యాధునిక విషయపరిజ్ఞానాన్ని ప్రస్తుత విద్యార్థులకు పూర్వ
విద్యార్థులు అందజేయాలని విసి ప్రొఫెసర్ రాజశేఖర్ అన్నారు. ఎయిర్ వైస్ మార్షల్
జె రాజేంద్ర విశ్వవిద్యాలయం తీసుకుంటున్న పలు చర్యలను నూతన కోర్సులను
ప్రవేశపెడుతూ విద్యార్థులకు నూతన నైపుణ్యాలను పరిచయం చేయాలని ఆయన అన్నారు.
కిరణ్ మధునా పంతుల ను ఆదర్శంగా తీసుకొని మరి కొంతమంది పూర్వ విద్యార్థులు
ముందుకు వచ్చి విశ్వవిద్యాలయంలోని విభాగాలకు, విద్యార్థులకు ఆర్థికంగా,
నైపుణ్యపరంగా సహాయపడుతూ వారి వారి ఉద్యోగాన్వేషణలో సహాయ సహకారాలు అందించాలని
కోరారు. ప్రొఫెసర్ కిరణ్మయి మాట్లాడుతూ సామాజిక బాధ్యతగా పూర్వ విద్యార్థులు
విశ్వవిద్యాలయమునకే కాక సమాజానికి కూడా సహాయం చేయాలని అన్నారు. రిజిస్ట్రార్
ప్రొఫెసర్ కరుణ తమ ప్రసంగంలో పూర్వ విద్యార్థుల డేటాను సమీకరించి ఈ
విషయములన్నీ విశ్వవిద్యాలయంలో జరుగుతున్న నైపుణ్యాభివృద్ధి ప్లేస్మెంట్స్ విషయ
పరిజ్ఞానం కమ్యూనికేషన్ స్కిల్స్ వంటివి అందరికీ అందేటట్లుగా కృషి చేయాలని
అన్నారు.